SOCAR: Günün ikinci yarısından neftçilərin özüllərə qaytarılmasına başlanacaq VİDEO
Bakı, 18 yanvar, AZƏRTAC
Günün ikinci yarısından etibarən neftçilərin özüllərə qaytarılmasına başlanacaq.
AZƏRTAC xəbər verir ki, bu barədə SOCAR məlumat yayıb.
“Dəniz özüllərində vəziyyət stabildir. Hava şəraiti tədricən normallaşır. Daha əvvəl təxliyə edilmiş əməkdaşlar günün ikinci yarısından etibarən özüllərə qayıtmağa başlayacaq və fəaliyyətlərini adi qaydada davam etdirəcək”, - deyə məlumatda bildirilir.
Qeyd edək ki, ötən gecə dəniz özüllərində qasırğanın şiddəti 144 kilometr/saat (40 metr/saniyə) həddinə yüksəlib, bəzi yerlərdə dalğanın hündürlüyü 10 metrdən çox olub.
Xatırladaq ki, yanvarın 16-dək SOCAR hava şəraitinin kəskinləşməsi, dənizdə qasırğanın gözlənilməsi ilə əlaqədar maksimum dərəcədə təhlükəsizlik tədbirləri həyata keçirib. Hava və dəniz nəqliyyatları vasitəsilə ümumilikdə 2500-dək neftçinin sahilə çıxarılması üçün tədbirlər görülüb.
Azərbaycan neftinin qiyməti dəyişməyib
Dünya birjalarında neft ucuzlaşıb
“Şahdəniz” yatağından ümumilikdə 200 milyard kubmetr qaz hasil olunub
Dünya birjalarında neft bahalaşıb
Növbəti həftə 1 şəhər və 3 rayonda “Azəriqaz”ın “Açıq mikrofon” aksiyası keçiriləcək