Göyçayın Müskürlü kəndində uşaq bağçası–körpələr evinin tikintisinə başlanılıb
Göyçay, 17 yanvar, AZƏRTAC
Göyçay rayonunun Müskürlü kəndində yeni körpələr evi-uşaq bağçasının inşasına başlanılıb.
AZƏRTAC-ın bölgə müxbiri xəbər verir ki, uşaq bağçası-körpələr evi 40 yerlik olacaq. Binada 2 oyun və 2 yataq otağı, mətbəx, sanitar qovşağı və digər yardımçı otaqlar tikiləcək.
Kənddə obyektin təməlqoyma mərasimi keçirilib. Ağsaqqalların, ziyalıların iştirak etdiyi mərasimdə çıxış edən rayon icra hakimiyyətinin başçısı Mehdi Səlimzadə kənd sakinlərini təbrik edib, ölkəmizdə uşaqlara göstərilən dövlət qayğısından, bu sahədə Heydər Əliyev Fondunun gördüyü işlərdən, həyata keçirilən layihələrdən danışıb.
Kənd ağsaqqalı Məmməd Ağayev çıxış edərək uşaq bağçasının inşasına görə minnətdarlığını bildirib.
Sonra binanın təməli qoyulub.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib