Azərbaycan və Türkiyə vətəndaşlarının miqrasiya sahəsində üzləşdiyi problemlərin həllinə dair müzakirələr aparılıb
Bakı, 28 dekabr, AZƏRTAC
Dekabrın 28-də Dövlət Miqrasiya Xidmətinin (DMX) rəisi Vüsal Hüseynov Türkiyə Respublikasının daxili işlər naziri Süleyman Soylu ilə görüşüb.
DMX-dən AZƏRTAC-a bildiriblər ki, görüşdə iki ölkə arasında digər sahələrdə olduğu kimi, miqrasiya sahəsində də sıx əlaqələrin qurulduğunu diqqətə çatdıran Xidmət rəisi əməkdaşlığın gücləndirilməsi istiqamətində bundan sonra da səylərin əsirgənməyəcəyini vurğulayıb.
V.Hüseynov ölkəmizdə miqrasiya proseslərinin daim diqqətdə saxlandığını qeyd edərək bu sahədə yeniliklərə, o cümlədən innovativ vasitələrin tətbiqinə üstünlük verildiyini bildirib.
Süleyman Soylu Azərbaycanın Türkiyə üçün ən önəmli tərəfdaşlardan biri olduğunu diqqətə çatdırıb. O, miqrasiya məsələlərinin bütün dünyada olduğu kimi, qardaş ölkədə də əsas müzakirə mövzularından birinə çevrildiyini bildirib. Nazir Türkiyənin üç milyondan çox qaçqına ev sahibliyi edən ölkə kimi bu fenomenin doğurduğu fəsadlarla mübarizədə gördüyü işlər barədə məlumat verib.
Görüşdə hər iki ölkə vətəndaşlarının miqrasiya sahəsində üzləşdiyi problemlər müzakirə edilib. Eləcə də bu problemlərin həlli istiqamətində atıla biləcək addımlar ətrafında fikir mübadiləsi aparılıb. Əməkdaşlığın səmərəliliyinin daha da artırılması məqsədilə iki ölkənin miqrasiya məsələlərinə məsul qurumları arasında hüquq-müqavilə bazasının gücləndirilməsinə dair razılığa gəlinib.
Laçında özünüməşğulluq proqramının icrasına başlanılıb
“Ay Laçın” – doğma və kövrək duyğularla VİDEO
Avqust ayının müavinət, təqaüd və ünvanlı sosial yardımları tam ödənilib
Qida sahəsində fəaliyyət göstərən 7 müəssisədə nöqsanlar aşkarlanıb