Şahzadə Diananın ipək paltarı hərracda 202 min dollara satılıb
Bakı, 12 dekabr, AZƏRTAC
Şahzadə Diananın (1961-1997) 1994-cü ildə 200 funt-sterlinqə (255 dollar) aldığı fil dişi rəngli ipək paltarı Londonun “Kerry Taylor” hərracında 161 min funt-sterlinqə (202 min dollar) satılıb.
AZƏRTAC TASS informasiya agentliyinə istinadla xəbər verir ki, paltarı ABŞ-ın muzeylərindən biri alıb. Diana modelyer Devid Emanuel tərəfindən hazırlanan paltarı 1986-cı ildə Bəhreyndə keçirilmiş kral tədbirində geyinib, səkkiz il sonra isə onu xeyriyyə təşkilatına bağışlayıb.
Böyük Britaniyanın hazırkı kraliçası II Elizabet - Elizabet Aleksandra Mariyanın sevimli kuklası kolleksiyaçılar üçün daha bir maraqlı lot olub. 1935-ci ildə “Chad Valley toys” kompaniyasının fabrikində istehsal olunan 35,5 santimetr hündürlüyə malik mavi gözlü kukla 3,1 min funt-sterlinqə (3,9 min dollar) alıcı tapıb.
Elizabet və bacısı Marqaret böyüdükdən sonra oyuncaq onların dayəsi Klara Nayta qalıb, o da gəlinciyi Şərqi Sasseks qraflığında yaşayan qohumlarına göndərib. Sonradan dayənin ailəsi kuklanı satışa çıxarıb və o, şəxsi kolleksiyaya düşüb.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır