Yaponiya Çin ilə telekommunikasiya avadanlığının alınması üzrə danışıqları dayandırmağı planlaşdırır
Tokio, 12 dekabr, AZƏRTAC
Telekommunikasiya avadanlığının alınması ilə bağlı prosedurların dəyişdirilməsi barədə qərar Çinin bir sıra istehsalçılarını əhatə etsə də, Yaponiya çalışır ki, bu, iki ölkə arasında münasibətlərə mənfi təsir göstərməsin.
AZƏRTAC NHK telekanalına istinadla xəbər verir ki, Pekin Tokionu yapon tərəfinin imtina etməyə hazırlaşdığı siyahıda Çin firmalarının məhsullarının yer almamasına çağırır. Yaponiya hökuməti növbəti maliyyə ilindən başlayaraq, satınalmalar zamanı milli təhlükəsizlik maraqlarının əsas götürülməsi barədə qərar qəbul edib. Bu qərar kiberhücumlar nəticəsində informasiya sızmalarının qarşısını almaq məqsədi daşıyır.
Yaponiya hökuməti bildirir ki, qərar hər hansı bir konkret firmanı nəzərdə tutmur. Buna baxmayaraq, Çinin “Huawei” və “ZTE” şirkətlərinin məhsullarının qadağan edilən siyahıda yer alacağı güman olunur.
ABŞ Prezidenti Donald Trampın administrasiyası da bu iki şirkətin məhsullarının dövlət müəssisələri tərəfindən istifadəsinə qadağa qoyulmasını planlaşdırır.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır