Şinzo Abe əcnəbi işçilərin sayının artırılması üçün bütün hazırlıqların görüləcəyini vəd edib
Tokio, 11 dekabr, AZƏRTAC
Yaponiyanın Baş naziri Şinzo Abe əcnəbi işçilərin sayının artırılması üçün bütün hazırlıqların görüləcəyini vəd edib.
AZƏRTAC xəbər verir ki, bu barədə bəyanatla Baş nazir dekabrın 10-da, parlamentin fövqəladə sessiyası işini başa vurduqdan sonra keçirilən mətbuat konfransında çıxış edib. Xatırladaq ki, parlamentdə kəskin mübahisələrə səbəb olan İmmiqrasiya Nəzarəti Barədə Qanuna dəyişikliklər ötən həftə qəbul edilib. Yeni qanun əcnəbi işçilər üçün iki yeni kateqoriyanın tətbiqini nəzərdə tutur.
Ş.Abe qeyd edib ki, Yaponiyanın çoxlu sayda əcnəbi işçiyə ehtiyacı var və bunu aradan qaldırmaq üçün yeni proqram hazırlanmalıdır. Baş nazir vəd edib ki, qısa müddət ərzində müvafiq struktur yaradılacaq və o, əcnəbi işçilərin say məhdudiyyətini dəqiqləşdirərək, onların ölkədə qalma müddətini də müəyyənləşdirəcək.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır