Çexiya Prezidenti sanksiyaları faydasız sayır
Praqa, 10 dekabr, AZƏRTAC
Sanksiyalar heç kimə kömək etmir, əksinə, iqtisadi və siyasi nöqteyi-nəzərdən bir tərəfə deyil, hər iki tərəfə ziyan vurur. AZƏRTAC xəbər verir ki, Çexiya Prezidenti Miloş Zeman Rusiya ilə Qərbin bir-birinə tətbiq etdikləri sanksiyalar barədə məhz belə mənfi fikir söyləyib. “Rusiya əleyhinə sanksiyalar faydasızdır”, - deyən Çexiya Prezidenti bildirib ki, Avropa İttifaqının Rusiyaya münasibətdə sanksiyalarının ləğv edilməsinə, məsələn, İtaliya, yaxud “Vışeqrad dördlüyü” kömək edə bilərdi.
M.Zeman qeyd edib ki, Rusiyadan və digər dövlətlərdən fərqli olaraq, Avropa İttifaqında güclü lider yoxdur. O deyib: “Çinin güclü lideri var, Amerikanın güclü lideri var. Lütfən, mənə Avropa İttifaqı səviyyəsində güclü bir lider tapın. Sağa-sola baxıram, düz baxıram, dönüb geriyə baxıram, güclü lideri, sadəcə, görmürəm”.
Çexiya Prezidenti RF ilə NATO arasında hərbi münaqişə ehtimalını da təkzib edərək deyib: “Mən hərbi hücumun ola biləcəyinə inanmıram”. O, “Orta və kiçik mənzilli raketlərin ləğvi” haqqında Müqavilə ilə bağlı tərəfləri raketlərin texniki parametrlərini müzakirə etməyə çağırıb.
Pərvanə Qarayeva
AZƏRTAC-ın xüsusi müxbiri
Praqa
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır