Çin şirkəti Finlandiyanın idman ləvazimatları şirkətini 4,6 milyard avroya almaq istəyir
Pekin, 8 dekabr, AZƏRTAC
Çinin “Anta Sports” şirkəti tərəfdaşları ilə birgə Finlandiyanın məşhur idman geyimləri və avadanlığı istehsal edən “Amer Sports” qrupunu 4,6 milyard avroya almaq istəyir.
AZƏRTAC “Anta”nın məlumatına istinadla xəbər verir ki, şirkət “FountainVest Partners”, “Tencent” və “Anamered Investments” firmaları ilə birgə investisiya konsorsiumu yaradaraq, “Amer”in hər bir aksiyasına 40 avro təklif edir. “Wilson”, “Arc'teryx”, “Salomon” və “Atomic” kimi tanınmış brendlərin sahibi olan “Amer Sports” qrupu dünyada ən çox idman avadanlığı istehsal edən şirkət hesab olunur.
Əgər sövdələşmə baş tutarsa, “Amer Sports” özünün Direktorlar Şurasını saxlamaqla, müstəqil əməliyyatlar həyata keçirə biləcək.
Şahin Cəfərov
AZƏRTAC-ın xüsusi müxbiri
Pekin
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır