Yaponiya parlamenti Aİ ilə iqtisadi tərəfdaşlıq barədə razılaşmanı ratifikasiya edib
Tokio, 8 dekabr, AZƏRTAC
Yaponiya parlamentinin yuxarı palatası Avropa İttifaqı (Aİ) ilə iqtisadi tərəfdaşlıq barədə razılaşmanı ratifikasiya edib.
AZƏRTAC Kyodo agentliyinə istinadla xəbər verir ki, razılaşmanın Aİ tərəfindən ratifikasiyasının dekabrın 20-dək başa çatacağı təqdirdə sənəd gələn il fevralın 1-də qüvvəyə minəcək.
İqtisadi tərəfdaşlıq barədə bu razılaşmanın reallaşması nəticəsində dünyanın Ümumi Daxili Məhsulunun üçdə birini özündə birləşdirən çox böyük azad ticarət zonası yaranacaq.
Aİ və Yaponiya tərəfindən ratifikasiya edilən razılaşmanın ABŞ-ın paternalizm siyasətinə qarşı yönəldiyi bildirilir.
Razılaşmanın həyata keçirilməsi yapon istehlakçılara daha ucuz kənd təsərrüfatı məhsulları, hər şeydən əvvəl pendir, şərab, ət kimi məhsullar gətirsə də, yerli kənd təsərrüfatı ilə rəqabəti də kəskinləşdirəcək.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır