Bakı, 12 noyabr, AZƏRTAC
"Banklar və Biznes" qəzetinin (BBN.az) elan etdiyi tələbələrarası məqalə müsabiqəsində məqalələrin qəbul müddəti noyabrın 19-dək uzadılıb.
Azərbaycan Banklar Assosiasiyasından (ABA) AZƏRTAC-a bildiriblər ki, müsabiqədə hazırda jurnalistika və iqtisadiyyat üzrə bakalavr və magistr təhsili alan bütün tələbələr iştirak edə bilərlər.
"Məsuliyyətli borclanma" mövzusunda keçirilən müsabiqədə 1-ci yerin qalibi 500 manatlıq hədiyyə kuponu, 2-ci yeri tutan 300 manatlıq hədiyyə kuponu, 3-cü yeri tutan 200 manatlıq hədiyyə kuponu, növbəti 5 yerdə qərarlaşanlar həvəsləndirici hədiyyələrlə mükafatlandırılacaqlar.
Məqalələr noyabrın 19-dək məktubun mövzusunda "MÜSABİQƏ" qeyd etməklə[email protected] elektron ünvanına göndərilməlidir.