Ukraynaya ilk qar yağdı: 200-dən çox yaşayış məntəqəsi işıqsız qalıb
Kiyev, 25 sentyabr, AZƏRTAC
Ukraynada qeyri-sabit hava şəraiti səbəbindən ölkənin yeddi vilayətinin 205 yaşayış məntəqəsi işıqsız qalıb. AZƏRTAC xəbər verir ki, bu barədə Ukraynanın Fövqəladə Hallar üzrə Dövlət Xidmətinin mətbuat xidməti məlumat yayıb.
Məlumata görə, sentyabrın 24-dən 25-nə keçən gecə güclü küləklə müşayiət olunan yağıntılı hava şəraiti bəzi yerlərdə fövqəladə vəziyyət yaradıb. Jitomir vilayətində 91, Kiyev vilayətində 54 yaşayış məntəqəsinə elektrik enerjisi verilişi dayandırılıb. Hazırda elektrik enerjisinin bərpası üçün xüsusi briqadalar işləyir.
Qeyd edək ki, son iki gündə Ukrayna ərazisində kəskin soyuqlar düşüb. Artıq Zakarpartya vilayətinin bəzi bölgələrinə ilk qar yağıb.
Emil Hüseynli
AZƏRTAC-ın xüsusi müxbiri
Kiyev
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır