Kiyevdəki Azərbaycan Ticarət Evi məhsullarımızın Ukrayna bazarında satışı üçün sertifikat və lisenziya alıb
Kiyev, 20 sentyabr, AZƏRTAC
Kiyev şəhərində fəaliyyət göstərən Azərbaycan Ticarət Evi ölkəmizdə istehsal olunan kənd təsərrüfatı, şərab və digər yerli məhsulların satışını təmin etmək üçün Ukraynanın müvafiq qurumlarından sertifikat və lisenziya alıb. Bu barədə AZƏRTAC-a Ukraynadakı Azərbaycan Ticarət Evinin həmtəsisçisi Daşqın Əhmədov məlumat verib.
Onun sözlərinə görə, artıq Azərbaycan məhsulları Ukraynanın ən böyük market şəbəkələrində satışa çıxarılıb: “Ukraynada Azərbaycan məhsullarına maraq artıb. Azərbaycan iş adamları öz məhsullarını rahat şəkildə Ukrayna bazarlarına çıxara bilərlər”.
D.Əhmədov bildirib ki, Ukraynanın orta və böyük şirkətlərinin menecerləri Azərbaycan Ticarət Evinə gələrək sifarişlər verirlər.
Azərbaycan Ticarət Evi ölkəmizdə istehsal olunan məhsulların ticarət dövriyyəsini artırmaq üçün Ukraynanın böyük vilayət və şəhərlərinin market şəbəkələri ilə müqavilə imzalayıb.
Emil Hüseynli
AZƏRTAC-ın xüsusi müxbiri
Kiyev
“Made in Uzbekistan Online” biznes forumunun açılışı olub
ADRA rəhbərinin başçılıq etdiyi nümayəndə heyəti ilin ən irimiqyaslı Reklam Forumunda
Açıq məkanda reklam sahəsindəki yeniliklərin müzakirəsinə regionlardan başlanılıb
Azərbaycan nümayəndə heyəti Xorvatiyada kiçik ailə biznesinin vəziyyəti ilə yaxından tanış olub
Azərbaycan sahibkar və menecerləri Almaniyada ixtisasartırma kursunda olub