ABŞ-ın “Texas A&M” Universitetinin əməkdaşları Aqrar Universitetdə olublar
Gəncə, 17 avqust, Rauf Hacıyev, AZƏRTAC
ABŞ-ın “Texas A&M” Universitetinin professorları Steven Hauge və McCrockle, “Aqro Mərkəz” təşkilatının nümayəndəsi Üzeyir Topçubaşov Azərbaycan Dövlət Aqrar Universitetinə (ADAU) səfər ediblər.
AZƏRTAC-ın bölgə müxbiri xəbər verir ki, qonaqlar universitetin rektoru, AMEA-nın müxbir üzvü, professor İbrahim Cəfərovla görüşüblər.
Onlara ADAU-nun tarixi və bu günü, tədris prosesi, aparılan tədqiqatlar barədə məlumat verilib. Görüşdə universitetlərarası əlaqələrin inkişafı, tələbə mübadiləsi, pambıqçılıq sahəsində birgə layihələrin yerinə yetirilməsi məsələləri müzakirə olunub. Əməkdaşlığın ilkin mərhələsi kimi ADAU-nun bir qrup tələbəsinin ABŞ-a göndərilməsi barədə razılığa gəlinib.
Məlumat üçün bildirək ki, ABŞ-ın “Texas A&M” Universiteti Birləşmiş Ştatların 7-ci, Texasın isə ən böyük ali təhsil müəssisəsi hesab edilir. Burada torpaqşünaslıq, okeanşünaslıq və kosmonavtika sahəsində tədqiqatlar aparılır. Universitetin layihələri NASA, ABŞ-ın Milli Sağlamlıq İnstitutu, Milli Bilik Fondu və Hərbi Dəniz Araşdırmaları kimi iri təşkilatlar tərəfindən maliyyələşdirilir.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib