İstanbul, 22 iyun, AZƏRTAC 

Türkiyənin təhlükəsizlik qüvvələrinin Ankarada keçirdiyi antiterror əməliyyatı nəticəsində ölkədə terror aktı törətmək hazırlığında olan14 İŞİD üzvü həbs edilib.
AZƏRTAC Anadolu agentliyinə istinadla xəbər verir ki, eyni vaxtda ayrı-ayrı ünvanlarda keçirilən əməliyyatlar zamanı həbs olunanların hamısı əcnəbidir. Zərərsizləşdirilən qrupun iyunun 24-də keçiriləcək növbədənkənar prezident və parlament seçkiləri zamanı terror aktı planlaşdırdığına dair dəlillər əldə olunub.
Sabir Şahtaxtı
AZƏRTAC-ın xüsusi müxbiri
İstanbul