Həştərxana ixrac missiyası təşkil olunacaq
Bakı, 17 may, AZƏRTAC
Mayın 30-da Rusiyanın Həştərxan şəhərinə ixrac missiyası təşkil olunacaq. Azərbaycan Respublikasının İqtisadiyyat Nazirliyi Həştərxan şəhərinə təşkil olunacaq ixrac missiyasında iştirak üçün ixracatçıların müraciətlərinin qəbuluna başlayıb.
İqtisadiyyat Nazirliyinin mətbuat xidmətindən AZƏRTAC-a bildirilib ki, qida, sənaye və tikinti istehsalı sahələrini əhatə edən ixrac missiyası mayın 30-dan iyunun 1-dək keçiriləcək. İxrac missiyasında iştirak edəcək ixracatçılar müsabiqə əsasında seçiləcəklər. Müsabiqənin təşkilatçısı İqtisadiyyat Nazirliyi və Azərbaycanda İxracın və İnvestisiyaların Təşviqi Fondudur (AZPROMO).
Müsabiqə Azərbaycan Respublikasının İqtisadiyyat Nazirliyi Kollegiyasının 2016-cı il 18 oktyabr tarixli qərarı ilə təsdiq edilmiş “Dəstək tədbirlərində iştirak edəcək ixracatçıların seçilməsi üçün müsabiqənin təşkili və keçirilmə Qaydası” əsasında mayın 21-də AZPROMO-da təşkil olunacaq.
İxrac missiyasında iştirak etmək üçün sənədlər AZPROMO-ya təqdim edilməlidir.
Təqdim ediləcək sənədlər və digər əlavə məlumat üçün linkində yerləşdirilən məlumatlardan istifadə etmək mümkündür.
“Made in Uzbekistan Online” biznes forumunun açılışı olub
ADRA rəhbərinin başçılıq etdiyi nümayəndə heyəti ilin ən irimiqyaslı Reklam Forumunda
Açıq məkanda reklam sahəsindəki yeniliklərin müzakirəsinə regionlardan başlanılıb
Azərbaycan nümayəndə heyəti Xorvatiyada kiçik ailə biznesinin vəziyyəti ilə yaxından tanış olub
Azərbaycan sahibkar və menecerləri Almaniyada ixtisasartırma kursunda olub