Qətərin “The Peninsula” qəzetində 31 mart soyqırımı barədə məqalə dərc edilib
Bakı, 2 aprel, AZƏRTAC
Qətərin ingilisdilli “The Peninsula” qəzetində 31 mart - Azərbaycanlıların Soyqırımı Günü ilə bağlı məqalə dərc edilib.
Azərbaycanın Qətərdəki səfirliyindən AZƏRTAC-a verilən məlumata görə, məqalədə dünya azərbaycanlılarının Azərbaycan xalqına qarşı törədilmiş soyqırımı aktının 100 illiyini qeyd etdiyi bildirilir. Azərbaycanlılara qarşı soyqırımı aktlarının və deportasiyanın ölkə tarixinə ağrılı səhifələr kimi daxil olduğu vurğulanır. XIX əsrin əvvəllərindən etibarən minlərlə erməni ailəsinin İran və Türkiyədən Azərbaycanın Qarabağ, Naxçıvan, Zəngəzur və İrəvan kimi tarixi torpaqlarına köçürüldüyü və bundan əsas məqsədin həmin ərazilərdə “böyük Ermənistan” dövlətinin yaradılması olduğu qeyd edilir.
Yazıda azərbaycanlılara qarşı 1905-1907-ci, 1918-1920-ci, 1948-1953-cü və 1988-1993-cü illərdə qırğınların törədildiyi və bunların arasında 1918-ci il martın 31-də Bakıda və digər ərazilərdə törədilmiş soyqırımı aktının nəticələrinin daha ağır olması ilə seçildiyi diqqətə çatdırılır. Həmin hadisələr zamanı minlərlə azərbaycanlının amansızcasına qətlə yetirildiyi, şəhər və kəndlərin dağıdıldığı bildirilir.
Məqalədə sözügedən soyqırımı aktının indiyədək beynəlxalq müstəvidə lazımi hüquqi qiymətini almadığı qeyd edilir, həmin cinayətlərin soyqırımı aktı kimi tanınacağına və cinayətkarların layiqli cəzalarını alacağına inam ifadə olunur. Azərbaycanlıların ölkələrinin ərazi bütövlüyünün və suverenliyinin bərpa ediləcəyinə və bir milyondan artıq məcburi köçkün və qaçqının öz doğma yurdlarına qayıdacağına əmin olduqları diqqətə çatdırılır.
Tariximizin qanlı səhifələrindən biri olan Başlıbel faciəsindən 31 il ötür
“Arab News” qəzeti azərbaycanlıların soyqırımı barədə məqalə dərc edib
Ağdaban faciəsindən 32 il ötür
31 Mart soyqırımının səbəbləri – tarixçi alim şərh edir
Soyqırımı qurbanlarının və şəhidlərimizin qanı yerdə qalmadı