Bakı, 7 iyul, Ramiz Quliyev, AZƏRTAC
İsmayıllı velosiped zavodu velosipedlərin ehtiyat hissələrinin 80 faizini Yaponiyadan alır, Tayvan, Malayziya və Bolqarıstanla da əməkdaşlıq edir.
AZƏRTAC xəbər verir ki, bu barədə Azərbaycanın ilk milli velosiped brendi “İSMA BİKES”in yeni modellərinin təqdimat mərasimində jurnalistlərə müsahibəsində zavodun direktoru Elçin Qəhrəmanov məlumat verib.
O, həmçinin qeyd edib ki, zavodda Niderland, Türkiyə və Bolqarıstan avadanlıqlarından istifadə olunur.
“Müəssisə ehtiyat hissələrindan başqa disk və təkər də istehsal edir. Çalışacağıq ki, zavodumuzun istehsal etdikləri velosipedlər xarici analoqları ilə müqayisədə həm keyfiyyətli, həm də ucuz olsun”, - deyə direktor vurğulayıb.