Tokio, 27 iyun, AZƏRTAC 

ABŞ Dövlət Departamenti Avstraliyaya 1,3 milyard dollar dəyərində “Gulfstream” hərbi təyyarələrinin satılmasına razılıq verib. Bu barədə Pentaqonun Hərbi Əməkdaşlıq İdarəsi məlumat yayıb.
Məlumatda deyilir: “Avstraliya hökuməti hava kəşfiyyatı, izləmə və radioelektron mübarizə vasitələrinə malik 5 ədəd “Gulfstream G-550” təyyarəsinin satışının mümkünlüyü xahişi ilə müraciət edib”.
ABŞ administrasiyası Konqresi qəbul edilmiş qərar barədə məlumatlandırıb.

Vüqar Ağayev
AZƏRTAC-ın xüsusi müxbiri
Tokio