ABŞ-ın müdafiə naziri İsrailə silah tədarükünün təxirə salındığını təsdiqləyib
Vaşinqton, 8 may, AZƏRTAC
ABŞ bir qrup silah-sursatın İsrailə tədarükünü təxirə salıb.
AZƏRTAC xəbər verir ki, ABŞ-ın müdafiə naziri Lloyd Ostin Senatın Qiymətləndirmələr Komitəsində keçirilmiş dinləmələr zamanı bunu təsdiqləyib.
Onun sözlərinə görə, ABŞ bu addımı Rəfah ətrafında yaranmış gərginliklə əlaqədar atıb.
“Biz bir məsələdə fikrimizi çox aydın ifadə etmişik - İsrail döyüş bölgəsində mülki əhalini hesaba almadan və onları müdafiə etmədən Rafahda böyük hücuma keçməməlidir”, - deyə müdafiə naziri bildirib. Pentaqon rəhbərinin sözlərinə görə, vəziyyət qiymətləndirildikdən sonra böyük əhəmiyyətli bir qrup sursatın İsrailə tədarükünə fasilə verilib.
Məlahət Nəcəfova
AZƏRTAC-ın xüsusi müxbiri
Vaşinqton
Makron Yeni Kaledoniya ilə bağlı Müdafiə Şurasının iclasını keçirəcək
Səudiyyə Ərəbistanının 88 yaşlı kralına pnevmoniya diaqnozu qoyulub
“Bayraktar AKINCI” İran Prezidentinin helikopterinin qəza enişi etdiyi ehtimal olunan bölgədədir
Parisin hava limanlarının işçiləri tətil edəcəklər
Türkiyənin Milli Müdafiə Nazirliyi İrana hərbi helikopter və PUA göndərib