Azərbaycan bilyardçısı: Avropa çempionu olmaq qürurverici hissdir
Bakı, 17 aprel, AZƏRTAC
Avropa çempionu olmaq qürurverici hissdir.
Bu sözləri AZƏRTAC-a açıqlamasında bilyard üzrə Avropa çempionu Tofiq Quliyev deyib.
Piramida növündə çempionluq yaşayan idmançı xoşbəxt olduğunu qeyd edərək bildirib: “Azərbaycana qızıl medalla döndüyüm üçün qürur hissi keçirirəm. Bunu sözlə ifadə etmək çətindir. Özümə inamım sayəsində birinci oldum”.
Gələcək hədəfləri barədə də danışan qitə birincisi deyib: “Qarşıda bizi dünya çempionatı gözləyir. Maraqlı və çətin turnir olacaq. İndi bütün diqqətimi oraya yönəldəcəyəm. Məqsədim həmin yarışda da birinci olmaqdır”.
Qeyd edək ki, Tofiq Quliyev 7 ölkədən 70 idmançı arasında keçirilən yarışda birinci, Niyazi Xələfov isə üçüncü olub.
Azərbaycan millisi Slovakiya ilə yoldaşlıq oyunu keçirəcək
Azad Gözəlov: Azərbaycanda avarçəkmə və kanoenin fəaliyyətini genişləndirmək niyyətindəyik
Mingəçevirdə “Prezident Kuboku-2024” reqatasının iştirakçılarının rəsmi paradı olub
Acun Ilıcalı daha bir futbol klubunu satın alır
İstanbul Formula 1 Türkiyə Qran-Prisinə yenidən ev sahibliyi edə bilər