Bakı, 12 aprel, AZƏRTAC

Müdafiə naziri general-polkovnik Zakir Həsənovun tapşırığına əsasən, hərbi qulluqçuların milli-mənəvi dəyərlər və vətənpərvərlik mövzusunda maarifləndirilməsi məqsədilə keçirilən tədbirlər davam edir.
Müdafiə Nazirliyindən AZƏRTAC-a bildirilib ki, tədbirlər çərçivəsində Müdafiə Nazirliyinin, Bakı Dövlət Universitetinin, Gəncə Qarnizonu İdeoloji və Mədəniyyət Mərkəzinin nümayəndələri hərbi hissələrdə olub, şəxsi heyətlə görüşlər keçiriblər. Görüşlərdə hərbi qulluqçularla Azərbaycan dövlətçilik və hərb tarixi, eləcə də digər mövzularda söhbət aparılıb, onları maraqlandıran suallar cavablandırılıb.