Fermerlərə müjdə: Şəkər çuğundurunun tədarük qiyməti artırılıb
Bakı, 14 avqust, AZƏRTAC
Fermerlərin maddi rifah halının yaxşılaşdırılması istiqamətində daha bir addım atılıb. "Azərbaycan Şəkər İstehsalat Birliyi" MMC məhsul yığımı ərəfəsində şəkər çuğundurunun fermerlərdən tədarük qiymətinin artırılması barədə qərar qəbul edib.
Kənd Təsərrüfatı Nazirliyindən AZƏRTAC-a bildirilib ki, qərara əsasən, "Azərbaycan Şəkər İstehsalat Birliyi" MMC tərəfindən 2023/2024-cü təsərrüfat ilində qışlıq və yazlıq mövsüm üzrə qəbul olunacaq şəkər çuğundurunun alış qiymətləri ötən illə müqayisədə hər bir ton üçün şəkərlilik faizinə uyğun olaraq 4 manat artırılıb.
Bununla da şəkər çuğundurunun 1 tonunun alış qiyməti orta hesabla 12 faiz şəkərliliklə 65 manatdan 69 manata, 13 faiz şəkərliliklə 68 manatdan 72 manata, 14 faiz şəkərliliklə 73 manatdan 77 manata, 15 faiz şəkərliliklə 77 manatdan 81 manata və 16 faiz şəkərliliklə 81 manatdan 85 manata qaldırılıb.
Qeyd edək ki, 2023-cü təsərrüfat ilində respublikanın 22 rayonunda 4534,9 hektar şəkər çuğunduru əkilib.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb