Əfqanıstanda “Taliban”ın hücumu nəticəsində azı 16 hərbçi və polis öldürülüb
Bakı, 23 aprel, AZƏRTAC
Əfqanıstanda “Taliban” hərəkatı silahlılarının iki hücumu nəticəsində güc strukturlarının azı 16 əməkdaşı həlak olub.
AZƏRTAC xəbər verir ki, “Tolo News” telekanalının yaydığı məlumata görə, hadisə aprelin 22-də gecə saatlarında Baqdis vilayətində qeydə alınıb.
“Taliban” döyüşçülərinin hücumu zamanı Kalayi-Nau şəhərindəki nəzarət-buraxılış məntəqəsində 9 hərbçi, Kads rayonundakı postda isə 7 polis əməkdaşı öldürülüb.
Qeyd edək ki, 2014-cü ildə ABŞ hərbi kontingenti Əfqanıstanı tərk etdikdən sonra ölkənin cənub rayonlarının bir çoxu “Taliban” hərəkatının nəzarətinə keçib. Son zamanlar bəzi kənd rayonlarında üstünlüyə yiyələnən silahlılar böyük şəhərlər istiqamətində də hücumlarını davam etdirirlər. Həmçinin regionda İŞİD qruplaşması da aktiv fəaliyyət göstərir.
Alimlər virusların insandan heyvana daha çox keçdiyini ortaya çıxarıblar
İsveç arxeoloqları XII əsrə aid gümüş sikkələr aşkarlayıblar
Finlandiyada etiraz nümayişləri Pasxa bayramından sonra davam edəcək
Bir ay tam yuxu alan insanlar özlərini 6 yaş cavan hiss edirlər - Araşdırma