Bakı, 21 aprel, AZƏRTAC
Binəqədi rayonunda sakinlərin rahatlığı, küçə və yolların yenilənməsi, məhəllə və həyətlərin abadlığı üçün müxtəlif tədbirlər görülür.
Rayon icra hakimiyyətindən AZƏRTAC-a verilən məlumata görə, rayon ərazisində abadlıq-quruculuq və yaşıllaşdırma işləri aparılır.
Avtomobil Yolları Dövlət Agentliyinin işçiləri 9-cu mikrorayonda yerləşən Mir Cəlal küçəsində yeni asfalt örtüyü çəkib, 7-ci mikrorayondakı A.Kunanbayev küçəsi 10 nömrəli yaşayış binasının girişində üzlük daşları təmir edilib, giriş qapılarının üzlükləri yenilənib. Həmin küçədəki 2 nömrəli binanın həyətində yaşıllıq zolağı salınıb, ağaclara aqrotexniki xidmət göstərilib, F.Məlikov 4, 1q, 1b və 1v nömrəli yaşayış binalarının giriş hissələrində təmir işləri davam etdirilib.