Bakı, 20 aprel, AZƏRTAC
"Azərbaycan Respublikası İpoteka və Kredit Zəmanət Fondu"nun Bakı Fond Birjasında (BFB) 20 milyon manat həcmində, 23 il tədavül müddətli ipoteka istiqrazlarının yerləşdirilməsi üzrə hərrac keçirilib.
BFB-dən AZƏRTAC-a bildiriblər ki, yerləşdirmə zamanı hərrac qiyməti 1000 AZN olub. Sifarişlərin nominal qiymətlə ümumi məbləği 23 milyon manatdır. İstiqrazların nominal qiymətlə yerləşdirilmiş həcmi 20 milyon manat təşkil edib. İstiqrazlar 2040-cı il aprelin 19-da ödəniləcək.