Banklar tərəfindən elektron ticarət xidmətinin təqdim edilməsinə həsr olunmuş seminar
Bakı, 19 aprel, AZƏRTAC
Maliyyə Bazarlarına Nəzarət Palatası (Palata) və Azərbaycan Banklar Assosiasiyası (ABA) tərəfindən “VISA Inc.” beynəlxalq kart təşkilatının iştirakı ilə bankların, habelə prosessinq fəaliyyətini həyata keçirən təşkilatların əməkdaşlarının bilik və bacarıqlarının təkmilləşdirilməsi, eləcə də mövcud beynəlxalq təcrübənin mənimsənilməsi istiqamətində növbəti seminar keçirilib.
Palatadan AZƏRTAC-a bildiriblər ki, “Azərbaycan Respublikasında maliyyə xidmətlərinin inkişafına dair Strateji Yol Xəritəsi”nin maliyyə sektorunda çalışan mütəxəssislərin bilik və bacarıqlarının təkmilləşdirilməsi prioritet hədəfinin icrası çərçivəsində təşkil olunan seminar banklar tərəfindən elektron ticarət xidmətinin təqdim edilməsi və baş verə biləcək fırıldaqçılıq əməliyyatlarına qarşı mübarizə tədbirlərinə həsr olunub.
Tədbir zamanı “VISA Inc.” beynəlxalq kart təşkilatının MDB ölkələri və Cənub-Şərqi Avropa regionu üzrə risklər üzrə baş direktoru Larisa Makarova banklar tərəfindən elektron ticarətin təşkili, təsərrüfat subyektləri və üçüncü tərəflərlə qarşılıqlı əlaqələrin qurulması, elektron ticarətdə baş verə biləcək risklər və fırıldaqçılıq əməliyyatlarının qarşısının alınması haqqında ətraflı məlumat verib.
Tədbirdə qeyd olunan mövzu ətrafında iştirakçılarla qarşılıqlı fikir mübadiləsi aparılaraq “VISA Inc.” beynəlxalq kart təşkilatı tərəfindən ödəniş kartları ilə aparılan əməliyyatlar üzrə atılacaq addımlara da toxunulub.
Aksiz markası ilə bağlı qanun pozuntusuna görə maliyyə sanksiyası tətbiq olunurmu?
Dövlət Vergi Xidməti: Elektron xidmət təkmilləşdirilib
Dövlət xətti ilə 3886 mənzil kirayə verilib
İpoteka və Kredit Zəmanət Fondunun xətti ilə 46 min 258 ipoteka krediti verilib
Dövlət Vergi Xidməti: Elektron xidməti üzrə istifadəçi təlimatları hazırlanıb