Berlin kino festivalının əsas mükafatını “Toxunma” filmi alıb
Bakı, 25 fevral, AZƏRTAC
“Toxunma” (Touch Me Not) filmi 68-ci Berlin kino festivalının baş mükafatı olan “Qızıl ayı”ya layiq görülüb.
AZƏRTAC xəbər verir ki, bunu şənbə günü festivalın münsiflər heyəti təntənəli mərasimdə elan edib.
“Toxunma” filmi Rumıniya, Almaniya, Çexiya, Bolqarıstan və Fransa kinematoqrafçılarının birgə layihəsidir. Filmin rejissoru rumın Adina Pintiliye çoxdandır xaricdə yaşayır və ingilis dilində filmlər çəkir. Münsiflər heyətinin seçimi tənqidçilər üçün əsl sürpriz olub. Filmdə öz fobiyaları ilə mübarizə aparan 50 yaşlı Loranın keçdiyi yoldan danışılır.
Fevralın 15-də start götürən nüfuzlu Berlin kino festivalında 385 film nümayiş olunub və onların 24-ü əsas müsabiqədə iştirak edib.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir