“Azərbaycanın Milli qəhrəmanları” sənədli filmlər silsiləsindən yeni ekran əsərləri nümayiş olunacaq
Bakı, 23 fevral, AZƏRTAC
Fevralın 26-da Mədəniyyət və Turizm Nazirliyinin təşkilatçılığı ilə Nizami Kino Mərkəzində müasir Azərbaycan tarixinin ən faciəli səhifələrindən olan Xocalı soyqırımının 26-cı ildönümünə həsr olunmuş anım tədbiri keçiriləcək.
Nazirlikdən AZƏRTAC-a bildirilib ki, tədbirdə rejissor Nizami Abbasın “Yaddaş” studiyasında çəkdiyi “İgid əsgər” və “İsgəndərin sorağında” sənədli filmləri nümayiş olunacaq. “Azərbaycanın Milli qəhrəmanları” sənədli filmlər silsiləsindən olan sözügedən filmlər Milli qəhrəmanlar Yusif Mirzəyev və İsgəndər Aznaurovun Qarabağ müharibəsində keçdikləri şərəfli döyüş yolundan bəhs edir.
Qeyd edək ki, “Azərbaycanın Milli qəhrəmanları” sənədli filmlər silsiləsindən “Yaddaş” və “Salnamə” studiyalarında dövlət sifarişi ilə bu günədək 85 film çəkilmiş, həmin filmlərin paytaxtda və ölkənin müxtəlif bölgələrindəki mədəniyyət mərkəzlərində, hərbi hissə və hərbi məktəblərdə, ali və orta ümumtəhsil məktəblərində nümayişləri təşkil olunub.
Əməkdar İncəsənət xadimi Məmmədağa Umudovla görüş
Naxçıvanda “Sazlı, sözlü kəlağayı günləri” silsilə tədbirlərlə davam edib
“Cırtdan” balacaları Şuşa Teatrında qarşılayacaq
AZƏRBAYCANIN GƏNC MUSİQİÇİLƏRİ
Kənan Bağırov
İsi Məlikzadə yaradıcılığı Almaniya elektron ədəbiyyat jurnalında