Pediatr-Endokrinoloqlar Cəmiyyətinin növbəti yığıncağında kliniki hallar müzakirə olunub
Bakı, 22 fevral, AZƏRTAC
Azərbaycan Tibb Universitetinin Tədris Terapevtik Klinikasında Pediatr-Endokrinoloqlar Cəmiyyətinin növbəti yığıncağı keçirilib. Bu barədə AZƏRTAC universitetin mətbuat xidmətinə istinadən xəbər verir.
Klinikanın direktor müavini Adil Nuriyev çıxış edərək yığıncaqda iştirak edən digər xəstəxanaların həkim və rezidentlərinə klinikanın iş prinsipləri haqqında məlumat verərək bildirib ki, klinikada tədris prosesi yüksək səviyyədə qurulub.
Pediatr-endokrinoloq Gündüz Əhmədov cəmiyyətin gördüyü işlər, endokrinoloq İlsur Novruzov endokrin patologiyası olan uşaqlarda kalsium və fosfor mübadiləsinin xüsusiyyətləri haqqında məlumat veriblər.
Daha sonra həkim-rezident Samirə Nəsibova uşaqlarda kalsium və fosfor mübadiləsinin pozulmasına aid klinik halları yığıncaq iştirakçılarının diqqətinə çatdırıb.
Yığıncaqda pediatr, endokrinoloq və rezidentlər iştirak ediblər.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar