Azərbaycan ilə Palau arasında diplomatik münasibətlərin qurulmasına dair birgə kommunike imzalanıb
Vaşinqton, 1 fevral, AZƏRTAC
Fevralın 1-də Nyu-York şəhərində Azərbaycan Respublikası və Palau Respublikası arasında diplomatik əlaqələrin qurulmasına dair birgə kommunike imzalanıb.
AZƏRTAC xəbər verir ki, sənədə əsasən, diplomatik əlaqələrin yaradılması iki ölkə və xalq arasında qarşılıqlı anlaşma və əməkdaşlığı təşviq etmək niyyətindən irəli gəlir, BMT Nizamnaməsi və beynəlxalq hüququn hamılıqla qəbul olunmuş norma və prinsipləri, xüsusilə də dövlətlərin suverenliyi və ərazi bütövlüyü və dövlətlərin daxili işlərinə qarışmama prinsipləri rəhbər tutulur.
Birgə kommunikeni hər iki ölkənin BMT yanında daimi nümayəndələri Yaşar Əliyev və Ngedikes Olai Uludong imzalayıblar.
Yusif Babanlı
AZƏRTAC-ın xüsusi müxbiri
Vaşinqton
Keniyanın Baş naziri Ermənistanın qeyri-konstruktiv addımları barədə məlumatlandırılıb
Azərbaycanın Baş naziri monteneqrolu həmkarı ilə görüşüb
Ceyhun Bayramov UNESCO-nun İcraiyyə Şurasının sədri və Baş direktorunun müavini ilə görüşüb