Azərbaycan Dövlət
İnformasiya Agentliyi

A
A
A
Sazlamalar


“Pirelli” Azərbaycan Qran-Prisi üçün şinləri müəyyən edib

Bakı, 12 yanvar, AZƏRTAC
“Pirelli” şirkəti aprelin 27-dən 29-dək Formula-1 yarışmasının dördüncü mərhələsi olacaq Azərbaycan Qran-Prisində istifadə ediləcək şinlərin tərkibini açıqlayıb.
AZƏRTAC “F1News.ru”ya istinadla xəbər verir ki, italiyalı şin istehsalçıları Bakıya “Soft”, “SuperSoft” və “UltraSoft” şinlərini gətirəcəklər.
Komandaların “Soft” və “SuperSoft” şinlərindən istifadə etməsi məcburidir. Onlar ən azı hərəyə bir dəst sifariş verməli və yarışmada heç olmasa birindən istifadə etməlidirlər. Ötən il Bakıdakı yarışlarda “Medium”, “Soft” və “SuperSoft” şinlərindən istifadə olunmuşdu.

İdman 2018-01-12 20:07:00