Tokio, 20 noyabr, AZƏRTAC
Yaponiya sinoptiklərinin verdiyi məlumata əsasən, güclü soyuq hava kütlələri noyabrın 20-də səhər saatlarında ölkənin şimal və şərq hissələrində temperaturun kəskin aşağı düşməsinə səbəb olub.
AZƏRTAC NHK telekanalına istinadla xəbər verir ki, Yaponiyanın bir çox rayonlarında havada adətən ilin bu vaxtında olduğundan 3-10 dərəcə aşağı temperatur qeydə alınıb. Rekord səviyyədə soyuq hava bütün ölkə üzrə təqribən 410 müşahidə məntəqəsində qeydə alınıb ki, bu da Yaponiya üzrə bütün belə məntəqələrin 40 faizini təşkil edir.
Hokkaydo prefekturasının Şimukappu kəndində havanın temperaturu mənfi 17,3 dərəcəyə enib.

Vüqar Ağayev
AZƏRTAC-ın xüsusi müxbiri
Tokio