Nəsimi rayonunda keçirilən iməcilikdə 1000-dən çox ağac əkilib
Bakı, 21 oktyabr, AZƏRTAC
Nəsimi rayonunda icra hakimiyyəti işçiləri, idarə və müəssisələrin nümayəndələri və rayon sakinlərinin iştirakı ilə iməcilik keçirilib.
AZƏRTAC xəbər verir ki, iməcilikdə rayonun mərkəzi küçələrində və mikrorayonların ərazisində 1000-dən çox şam və sərv ağacları əkilib, 2000-dən çox ağaca quluq edilib.
Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri, BMT-nin Ərzaq və Kənd Təsərrüfatı Təşkilatının (FAO) xoşməramlı səfiri Leyla Əliyevanın təşəbbüsü ilə başlanılmış “Məktəb bağları” layihəsi çərçivəsində məktəb və məktəbəqədər təhsil müəssisələrinin həyətyanı sahələrində meyvə ağaclarının əkilməsi davam etdirilib. Rayonun 4-cü mikrorayon ərazisində yerləşən 147 nömrəli uşaq bağçası–körpələr evinin və “Qərənfil” uşaq bağçası-körpələr evinin həyətlərində “Məktəb bağları” layihəsi çərçivəsində iməcilik keçirilib, müxtəlif növ meyvə ağacları əkilib.
Bağçanın həyətində rəngarəng geyinmiş uşaqların iştirakı ilə hazırlanmış kompozisiyalara baxış keçirilib, onların ifasında musiqi nömrələri dinlənilib.
Tədbirdən sonra rayon icra hakimiyyətinin başçısı Asif Əsgərov “Yaşıl marafon ” layihəsi çərçivəsində rayonda çoxlu sayda ağaclar əkildiyi və yeni yaşıllıq zolaqları salındığını söyləyib. Sonra icra hakimiyyətinin başçısı sakinlərlə görüşərək onların qaldırdığı məsələlərin həll edilməsi üçün tapşırıqlar verib.
Avqustun 30-u axşamadək əksər rayonlarda hava yağıntılı olacaq
Asif Verdiyev: Yağışlarla əlaqədar əksər çaylarda sululuq artıb
Faktiki hava: Hazırda ölkə ərazisində yağmursuz hava şəraiti hökm sürür
Sabahın hava proqnozu açıqlanıb
Faktiki hava: Bəzi yerlərdə şimşək çaxıb, arabir leysan xarakterli intensiv yağış yağıb