Qazax, 21 oktyabr, Famil Quliyev, AZƏRTAC
Qazax Rayon Gənclər və İdman İdarəsinin və Yeni Azərbaycan Partiyası Qazax rayon təşkilatının təşkilatçılığı ilə Yeni Azərbaycan Partiyasının yaradılmasının 25-ci ildönümünə həsr olunmuş həvəskar komandalar arasında minifutbol üzrə rayon turniri başa çatıb.
AZƏRTAC xəbər verir ki, oktyabrın 16-dan start götürən yarışda 16 komanda iştirak edib.
Gərgin mübarizə şəraitində keçən yarışın final mərhələsində Dövlət Sosial Müdafiə Fondunun “Qazax” komandası I yerə, Qazax Dövlət Sosial-İqtisadi Kollecin komandası II yerə, Birinci Şıxlı kəndinin "Gənclər" komandası III yerə sahib olub.
Turnirin qalibləri kubok, medal və diplomlarla təltif ediliblər.