Bakıda grappling və grappling-gi üzrə dünya çempionatının açılış mərasimi keçirilib
Bakı, 20 oktyabr, AZƏRTAC
Bakıda kişilər və qadınlar arasında grappling və grappling-gi üzrə sayca 10-cu dünya çempionatının açılış mərasimi keçirilib.
AZƏRTAC xəbər verir ki, mərasimdə gənclər və idman nazirinin müavini İsmayıl İsmayılov çıxış edərək dövlətimizin başçısı, Milli Olimpiya Komitəsinin prezidenti İlham Əliyevin idmana göstərdiyi diqqət və qayğının nəticəsi olaraq bu gün Azərbaycanın beynəlxalq yarışlara uğurla ev sahibliyi etdiyini bildirib. O, bu gün Azərbaycanın dünyada idman ölkəsi kimi tanınmasının təsadüfi olmadığını vurğulayıb.
Dünya Grappling Komitəsinin sədri Rizvan Boçkayev deyib ki, bu il grappling idman növünün inkişafında mühüm işlər görülüb. Sentyabrda Astana şəhərində Asiya ölkələri arasında grappling çempionatının və bu gün Bakıda dünya çempionatının keçirilməsi idmanın bu növünün inkişafında vacib rol oynayır.
Azərbaycan Grappling və MMA Federasiyasının prezidenti Azad Əsgərov yarışda iştirak edən idmançılara uğurlar arzulayaraq bildirib ki, dünya çempionatının Azərbaycanda keçirilməsi ölkəmizdə idmanın yüksək səviyyədə inkişaf etdiyinin bariz nümunəsidir. O, Prezident İlham Əliyevin idmana və idmançılara göstərdiyi diqqət və qayğını xüsusilə vurğulayıb.
Açılış mərasimindən sonra tədbir konsert proqramı ilə davam edib.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir