Qobustanda payızlıq taxıl əkininə 50-dən çox səpin aqreqatı cəlb olunub
Qobustan, 16 oktyabr, AZƏRTAC
Qobustan rayonunda payızlıq taxıl əkini kampaniyası sürətlə davam etdirilir və hər gün sahələrə 50-dən çox səpin aqreqatı çıxarılır.
Rayon icra hakimiyyətindən AZƏRTAC-a bildiriblər ki, son vaxtlar yağışların törətdiyi çətinliklərə baxmayaraq, artıq 10 min hektaradək sahədə əkin aparılıb. Rayonun daha çox taxıl əkilən ərazilərində, o cümlədən Xilmilli, Cəmcəmli, Qurbanlı, Təklə ərazi vahidlərində, habelə Qobustan Bölgə Təcrübə Stansiyasında, “Qobustan rayon kənd təsərrüfatı istehsalı müəssisəsi” MMC-də və bir sıra digər yerlərdə bu mühüm kampaniya daha sürətlə, mütəşəkkil davam etdirilir.
Qeyd edək ki, ötən ilin payızında 26 min hektarda səpin aparan Qobustan taxılçıları cari mövsümdə əkin sahələrini azı 27 min hektara çatdırmaq əzmindədirlər.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb