Balakəndə indiyədək 21 min tondan çox dən qarğıdalı istehsal olunub
Balakən, 16 oktyabr, Mustafa Dadaşov, AZƏRTAC
Balakən rayonunun təsərrüfatlarında payızlıq bitkilərin əkininə başlanılıb. Fermerlər artıq 74,5 hektar sahəyə arpa və buğda, 26,5 hektar sahəyə yonca toxumu səpib, 6 hektar sahədə kələm əkiblər.
Bu barədə AZƏRTAC-a rayon icra hakimiyyətindən məlumat verilib.
Hazırda təsərrüfatlarda tütün və qarğıdalı yığımı davam edir. Bu il balakənli fermerlər 528 hektar sahədə tütün yetişdiriblər. İndiyədək rayonda 254 ton quru tütün istehsal olunub. Bu, ötən ilin müvafiq dövrü ilə müqayisədə 43 ton çoxdur. Eyni zamanda, bu günədək rayonda 21 min tondan çox dən qarğıdalı istehsal olunub. Balakənli fermerlər cari mövsümdə 40 min tondan çox dən qarğıdalı istehsal etməyi qarşılarına məqsəd qoyublar.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb