“Mercedes-Benz” 351 min avtomobili geri çağırır
Pekin, 14 oktyabr, AZƏRTAC
Almaniyanın məşhur avtomobil istehsalçısı “Daimler-Benz” Çin bazarından 351 min 218 avtomobili hava yastıqlarındakı qüsurla əlaqədar geri çağırır.
AZƏRTAC Çinin Keyfiyyətə Nəzarət, Təftiş və Karantin Baş Administrasiyasının məlumatına istinadla xəbər verir ki, geri çağırılan avtomobillər 2006-2012-ci ildə Çində istehsal olunan və xaricdən idxal edilən “Mercedes-Benz” avtomobilləri, o cümlədən “SLK-Class” və “GLK-Class” modelləridir. Məlumata əsasən, həmin avtomobillərdəki hava yastıqları Yaponiyanın “Takata” şirkətinin istehsalıdır.
Avtomobillərin geri çağırılmasına oktyabrın 15-dən başlanacaq və qüsurlar istehsalçı şirkətin hesabına aradan qaldırılacaq.
Şahin Cəfərov
AZƏRTAC-ın xüsusi müxbiri
Pekin
NATO İspaniyada üçüncü hərbi-dəniz bazasını yerləşdirir
Yunanıstanda 6 bal gücündə zəlzələ olub
Ukraynaya raket hücumu nəticəsində 6 bölgənin enerji infrastrukturuna ziyan dəyib