“Qəbələ” boksçuları Ukrayna klubu ilə qarşılaşacaqlar
Bakı, 13 oktyabr, AZƏRTAC
“Qəbələ” idman klubunun boksçuları növbəti sınağına çıxacaqlar.
AZƏRTAC kluba istinadla xəbər verir ki, “Qəbələ”nin idmançıları Ukraynanın “KB-75” klubu ilə beynəlxalq yoxlama görüşü keçirəcək.
Krivoy Roq şəhərində təşkil olunacaq matç 7 döyüşdən ibarət olacaq. Gənclər və Tələbələr İdman Sarayında baş tutacaq dueldə “Qəbələ” və “KB-75”in boksçuları 7 çəki dərəcəsində üz-üzə gələcəklər.
Oktyabrın 21-də keçiriləcək görüşdə Ramiz Mirkamalovun baş məşqçisi olduğu komandamızı Ümüd Rüstəmov (56 kq), Elvin İsayev (64 kq), Roman Zakirov (69 kq), Kamran Şahsuvarlı (75 kq), Rauf Rəhimov (81 kq), Rahil Məmmədli (91 kq) və Məhəmmədəli Tahirzadə (91 kq-dan yuxarı) təmsil edəcəklər.
Döyüş yerli vaxtla saat 18:00-da başlayacaq.
Azərbaycan boksçuları Bakıdakı beynəlxalq turniri 21 medalla başa vurublar
AMADA-nın əməkdaşı WADA-nın vebinarında iştirak edib
Premyer Liqa: Dörd oyuna hakim təyinatları açıqlanıb
Azərbaycan ağırlıqqaldıranları üçün antidopinqlə bağlı seminar keçirilib