×
A
A
A
Sazlamalar

David Moyes Şotlandiya millisinin baş məşqçisi vəzifəsinə əsas namizəddir

Bakı, 13 oktyabr, AZƏRTAC

“Mançester Yunayted” və “Everton”un sabiq baş məşqçisi Devid Moyes futbol üzrə Şotlandiya milli komandası ilə işləmək üçün danışıqlara hazırdır.
AZƏRTAC xarici KİV-lərə istinadən xəbər verir ki, bukmerkerlerin fikirlərinə görə, 54 yaşlı şotlandiyalı mütəxəssis Qordon Strakanın istefaya göndərilməsindən sonra baş məşqçi vəzifəsinə əsas iddiaçıdır.
Moyesin işlədiyi son klub “Sunderland” (İngiltərə) olub. O, komandasının Premyer Liqadan gedişindən sonra cari ilin mayında klubdan ayrılıb.
Qeyd edək ki, Şotlandiya millisi 2018-ci ildə Rusiyada təşkil olunacaq dünya çempionatına vəsiqə qazana bilməyib.

 

İdman 2017-10-13 13:46:00