Bakı, 10 oktyabr, AZƏRTAC

Nizami rayonu üzrə məhəllələrarası minifutbol turnirinin final oyunları keçirilib.
AZƏRTAC xəbər verir ki, Bakı Şəhər Gənclər və İdman Baş İdarəsi (BŞGİBİ) tərəfindən 2006-2007-ci il təvəllüdlü uşaqlar arasında keçirilən yarışın oyunları Nizami rayonu 201 nömrəli tam orta məktəbin futbol meydançasında təşkil olunub.
Yarışda “Star-S” komandası qalib adını qazanıb. “Lələ Təpə” komandası ikinci, “Vətən” isə üçüncü olublar.
Sonda mükafatçılara Baş İdarə tərəfindən müvafiq dərəcəli diplomlar, medallar və kubok təqdim olunub.