Bakı, 10 oktyabr, AZƏRTAC

Futbol üzrə İslandiya yığması DÇ-2018-in seçmə mərhələsinin son matçında Kosovo yığmasına 2:0 hesabı ilə qalib gələrək final mərhələsinə vəsiqə alıb.
AZƏRTAC tribuna.com saytına istinadla xəbər verir ki, 22 xal toplayaraq “İ” qrupunda birinci yeri tutmuş islandiyalılar dünya çempionatının final mərhələsində çıxış etmək hüququ qazanıblar.
Beləliklə, İslandiya futbol üzrə dünya çempionatlarının tarixində yeni rekord müəyyən edib: əhalisinin sayı 330.000 olan İslandiya bu göstərici üzrə ən kiçik ölkədir.
İndiyə qədər bu rekordun sahibi olan Trinidad və Tobaqo ölkəsinin əhalisi 1,3 milyon nəfərdir.