×
A
A
A
Sazlamalar

Rostropoviçlərin ev-muzeyində kamera musiqisi gecəsi keçiriləcək

Bakı, 20 sentyabr, AZƏRTAC

Sentyabrın 21-də Leopold və Mstislav Rostropoviçlərin ev-muzeyində Ü.Hacıbəyli IX Beynəlxalq Musiqi Festivalı çərçivəsində kamera musiqisi gecəsi keçiriləcək.
Muzeydən AZƏRTAC-a bildirilib ki, konsertdə Əməkdar Artist Aleksey Miltıx (violonçel) və beynəlxalq müsabiqələr laureatı Səidə Tağızadə (fortepiano) Azərbaycan və rus bəstəkarlarının əsərlərini səsləndirəcəklər.
Gecədə Azərbaycan bəstəkarlarının violonçel üçün yazılmış nadir çap və əlyazma notlarından ibarət sərgi, həmçinin muzeyin zəngin fondundan seçilmiş şəkillərdən ibarət slayd-şou nümayiş olunacaq.

Musiqi 2017-09-20 06:36:00