2019-cu ildə “5G” smartfonları satışa çıxarılacaq
Bakı, 19 sentyabr, AZƏRTAC
2019-cu ildə “5G” smartfonları satışa çıxarılacaq.
AZƏRTAC xəbər verir ki, “Qualcomm” şirkətinin baş direktoru Stiven Molenkofun fikrincə, hazırda internetə sürətli çıxışa tələbat artır və bu amil smartfon istehsalçılarını 2020-ci il deyil, artıq 2019-cu ildə “5G” dəstəkli yeni smartfonlar təqdim etməyə vadar edir.
S.Molenkofun sözlərinə görə, ABŞ, Yaponiya və Koreyada bəzi operatorlar 2019-cu ildə “5G” texnologiyasının istifadəyə verilməsinə hazır olacaqlar. Ehtimal ki, gələn il Çin provayderləri də bu sıraya qoşulacaq.
"Hesab edirəm ki, həmişəki kimi, Koreya, Yaponiya və ABŞ ilk sıralarda olacaq. Biz həmin regionlarda tələbat artımını görəcəyik və bu o deməkdir ki, bir sıra operatorlar birinci ola və rəqiblərini geridə qoya bilərlər", – deyə S.Molenkof bildirib.
Bu il Türkiyənin xidmətlər üzrə ixrac hədəfi 110 milyard dollardır
“Flydubai” Dubay hava limanından uçuşlar rejimini bərpa edib
77-ci Kann kinofestivalının rəsmi posteri təqdim edilib
Hakan Fidan: Dünyanın ən böyük problemi beynəlxalq sistemin ikiüzlülüyüdür
WP: ABŞ Ukraynaya hərbi yardım paketini Konqresin təsdiqindən dərhal sonra çatdıra bilər