Hava Hücumundan Müdafiə qoşunları bölmələrinin birində növbəti yaşayış kompleksi istifadəyə verilib
Bakı, 19 sentyabr, AZƏRTAC
Hava Hücumundan Müdafiə (HHM) qoşunlarının cəbhəboyu zonada yerləşən bölmələrinin birində yeni inşa edilmiş növbəti yaşayış kompleksinin açılışı olub.
Müdafiə naziri, general-polkovnik Zakir Həsənov və nazirliyin digər rəhbər heyəti açılışda iştirak edib, hərbi qulluqçular üçün yaradılan şəraitlə maraqlanıblar.
Müdafiə Nazirliyinin mətbuat xidmətindən AZƏRTAC-a bildiriblər ki, nazirliyin rəhbərliyi, həmçinin ərazidəki əsgər yataqxanası, yeməkxana, sinif otaqları, mətbəx, ərzaq və əşya anbarları, qazanxana, eləcə də digər xidməti və inzibati obyektlərlə tanış olub.
Sonra müdafiə naziri mövqelərdə olan döyüş texnikasına baxış keçirib. Mühüm dövlət və hərbi obyektlərin hava zərbələrindən müdafiəsi məqsədilə qoşunların fəaliyyəti və digər məsələlərlə bağlı şəxsi heyət qarşısında müvafiq tapşırıqlar qoyulub.
Hərbi institutun kursantları ilə praktiki məşğələlər keçirilib VİDEO
Müdafiə Nazirliyi müddətdən artıq həqiqi hərbi xidmət keçmək istəyənlərin qəbulunu elan edir VİDEO
“Ehtiyat zabit hazırlığı kursu”na növbəti qəbul başlayır VİDEO