Yaponiyanın Baş naziri növbədənkənar seçkilərə işarə vurub
Tokio, 18 sentyabr, AZƏRTAC
Yaponiyanın Baş naziri Şinzo Abe parlamentin qarşıdan gələn sessiyası zamanı onun aşağı palatasının buraxılması və növbədənkənar seçkilərin keçirilməsinin mümkünlüyünə işarə vurub.
AZƏRTAC NHK telekanalına istinadla xəbər verir ki, Ş.Abe hökumətdə koalisiya tərəfdaşı Komey Partiyasının lideri Natsuo Yamaquçi ilə söhbət zamanı belə bir variantın mümkünlüyünü qeyd edib.
Baş nazirin son qərarı hökumətdəki yüksək vəzifəli rəsmi şəxslər və hakim koalisiya tərəfdaşı ilə müzakirələrdən sonra qəbul edəcəyi bildirilir. Parlamentin buraxılmasının sentyabrın 28-də başlayacaq növbədənkənar sessiyanın əvvəlində baş verəcəyi gözlənilir.
Vüqar Ağayev
AZƏRTAC-ın xüsusi müxbiri
Tokio
Rusiya XİN: Ermənistan quru yerdə qala bilər
Harvard Universiteti qədim kitabın cildindən insan dərisini çıxarıb
“Telegram”da yeni funksiyalar olacaq