Azərbaycanlı mütəxəssislər “Aşqabad-2017”də yüksək peşəkarlıqları ilə seçilirlər
Aşqabad, 17 sentyabr, AZƏRTAC
“Aşqabad-2017”nin hazırlıq prosesində güclü komanda çalışıb. Azərbaycanlı mütəxəssislərin peşəkarlığı isə yüksək səviyyədədir.
Bu sözləri AZƏRTAC-a müsahibəsində Aşqabadda keçirilən qapalı məkanlarda və döyüş növləri üzrə V Asiya Oyunlarının açılış və bağlanış mərasimlərinin kreativ direktoru Fransisko Neqrin deyib.
Azərbaycanlı mütəxəssislərlə əməkdaşlıqdan çox məmnun olduğunu söyləyən F.Neqrin bildirib ki, onlar öz peşəkarlıqları, dünya görüşləri və kreativ ideyaları ilə digərlərindən fərqlənirlər. “Azərbaycan irimiqyaslı yarışlara yüksək səviyyədə ev sahibliyi edir. Həmin mütəxəssislər Bakıda təşkil olunan ilk Avropa Oyunları və IV İslam Həmrəyliyi Oyunlarında böyük təcrübə keçiblər. İrimiqyaslı idman tədbirlərinin təşkilində digər ölkələrin azərbaycanlı mütəxəssislərə müraciət etməsi çox sevindiricidir,- deyə Fransisko Neqrin vurğulayıb.
Səxavət Quliyev
AZƏRTAC-ın müxbiri
Aşqabad
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir