Türkiyə Prezidenti İrana səfər edəcək
Tehran, 16 sentyabr, AZƏRTAC
Türkiyənin Prezidenti Rəcəb Tayyib Ərdoğan oktyabr ayında Tehrana səfər edəcək.
Bu barədə Türkiyənin İrandakı səfiri Rza Hakan Təkin Mehr xəbər agentliyinə məlumat verib.
Səfir diqqətə çatdırıb ki, səfər zamanı İranın siyasi rəhbərləri ilə keçiriləcək görüşlərdə Suriyadakı son vəziyyət və bir sıra iki tərəfli məsələlər müzakirə mövzusu olacaq.
Diplomatın sözlərinə görə, bu günlərdə Türkiyə Silahlı Qüvvələrinin baş qərargah rəisi, ordu generalı Hulisi Akarın Tehrana səfəri gözlənilir.
H.Akar iranlı həmkarı Məhəmməd Baqeri ilə bölgədəki hərbi-siyasi vəziyyəti müzakirə edəcək.
Rabil Kətanov
AZƏRTAC-ın xüsusi müxbiri
Tehran
Sergey Lavrov: Avropa İttifaqının Ermənistandakı müşahidə missiyası NATO-nun missiyasına çevrilir
Türkiyə Prezidenti gündəmdəki məsələlərlə bağlı açıqlama verib
Dubay aeroportu təyyarələrin qəbulunu 48 saatlıq məhdudlaşdırıb