Bakı, 16 sentyabr, AZƏRTAC

“Standard & Poor's” Beynəlxalq Reytinq Agentliyi Rusiyanın kredit reytinqini qoruyub.
AZƏRTAC agentliyə istinadla xəbər verir ki, “Standard & Poor's” Rusiyanın xarici valyuta cinsindən kredit reytinqini “BB+”, yerli pul cinsindən kredit reytinqini isə “BBB-”səviyyəsində təsdiq edib, proqnozu isə “müsbət” təyin olunub.
Açıqlamada, Rusiyaya qarşı sanksiyalar və neftin aşağı qiymətinə baxmayaraq davam edən yaxşılaşma və islahatların sürəti ölkənin aşağı iqtisadi artım potensialını artıracağı qeyd olunub. Ölkədə maliyyə və makroiqtisadi risklərin məhdudlaşdırılması, kredit sahəsində yaxşılaşma olduğu vurğulanıb.