Bakı, 14 sentyabr, AZƏRTAC

Bu ilin sentyabrında məşhur rusiyalı tennisçi Mariya Şarapovanın həyatından bəhs edən kitab işıq üzü görəcək.
AZƏRTAC Türkiyə KİV-lərinə istinadən xəbər verir ki, bu günlərdə tennisçinin “Unstoppable: My Life So Far” adlanan avtobioqrafik kitabının təqdimatı və “imza günü” keçirilib.
Kitab Şarapovanın 6 yaşında ABŞ-a köçməsindən başlayaraq “meldoniy” həblərindən istifadəyə görə iki il müddətinə idmandan kənarlaşdırılmasınadək olan dövrü əhatə edir.
Qeyd edək ki, Mariya Şarapova "Böyük dəbilqə" turnirinin beş qat qalibidir. O, həmçinin “London-2012” Yay Olimpiya Oyunlarının gümüş mükafatçısıdır.